Plantun de Prouvènço

Pèr coumpara dos planto d'encò nostre

Aristolochia pistolochia & Myosotis laxa

Gouderlo

Aristolochia pistolochia

Aristolochiaceae

Autre noum : Melounado.

Noms en français : Aristoloche pistoloche, Pistoloche.

Descripcioun :
Aquesto fóuterlo trachis dins li tepiero roucaiouso de colo. A de gròssi racino d'ounte parton de mato de tijo primo, drecho e ramificado. Se destrìo dis àutri fóuterlo, subretout bonodi si fueio en triangle emé li bord ounda, portado pèr un pecou. Li flour soun bruno e pas raiado de jaune.

Usanço :
Li fóuterlo soun tóuti empouisounanto e couneigudo pèr si poudé avourtiéu (Aristolochia, dóu grè, aristos : eicelènt, e locheia : acouchamen).

Port : Erbo
Taio : 15 à 50 cm
Fueio : alterno
Tipe bioulougico : Geoufite
Cicle bioulougico : Planto renadivo

Gènre : Aristolochia
Famiho : Aristolochiaceae

Ordre : Piperales

Coulour de la flour : Brunello
Petalo :
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 800 m
Aparado : Noun

Liò : Roucaio - Tepiero seco - Colo
Estànci : Termoumediterran à Subremediterran
Couroulougi : Pancaro entresigna
Ref. sc. : Aristolochia pistolochia L., 1763

Te-vese-e-t'ame(-fourro-bourro)

Myosotis laxa

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Nom en français : Myosotis gazonnant.

Descripcioun :
Aquéu te-vese-e-t'ame, pulèu rare, trachis en ribo de ribiero, dins li prado umido e li roubino de palun. Emé si péu contro li sepalo se destrìo dis aùtri Myosotis di flour pas trop grosso. Tambèn, i'a ges de bratèio dins l'enflourejado e lou "calice" crèis proun après la flourido.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").